Ujor FIR ka HITO pyrchah ya u Sevenborn Tang deiwa pynbaad wa emktilang ki MDC u khrong poisa

Ka Hynniewtrep Integrated Territorial Organisation (HITO) ynne ka sngi hapoh i yahkhmat u General Secretary ka seiñbei, u Wanbun N Dkhar deilang u President ka East Jaiñtia Hills District, u Deibormi Rymbai wa u Co-Founder, u Lawyerson War da lai ki wow ujor da ka FIR pyrchah ya u Sevenborn Tang uwa da kam ya idæ kam uwa chim wai næ Agent yong ka Forest Department ka Jaintia Hills Autonomous District Council yow pynlai ya ki Forest Check Point næ ki Forest Revenue Station.

Ka seiñ lyngba ki jubab wa da yoh na ka RTI wa da booh ha ka yung krehkaam u Chief Forest Officer ka JHADC, da klam che wa ka JHADC ym em thung næ booh ko ya kiwon kiwon ki Agent yow pynlai ya ki Check Point yong ka.

Kamtæ ka seiñ da ong ko wa ini da leh deiwa ya sooh buit ki kattu katni ngut ki MDC ka liang synchaar yow yoh myntoi ki samen ymtoh ya ka Council.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Neiliang u Wanbun N Dkhar da ong u wa ini i booddien ka seiñ toh hadien wa yoo yei stang poisa ka JHADC hadooh wym ye tang wow su tulop ya kiwa kreh tangwa da khrong poisa na kani ka khyrdop yow myntoi ki kattu katni donhi ki MDC wei ini da booh ko hei maa ya ka mynried ka Council lada kamni khrong poisa pyrchah ya ka aiñ wei ha kani ka FIR pyrchah ya u Sevenborn Tang da dawa leh wow pynuiñ noh ya ka poisa kawa da yoh pynlum pynlang na kitai ki khyrdop nadooh u December 2024 hadooh u June 2025.