Ka 2nd Division 2025 ka East Jaiñtia Hills District Football Association (EJHDFA) da sdang ya ka ynne ka sngi deiwa pynman le tylli ki yalehke.
Ha ka yalehke wa nyngkong, ka Moosianglamare New YWOSC da rem ko da 2-0 ha ka Mulieh YWSC Suchen da ki kool wa thap da u Piles Sumer ha ka minit wa 9 wa u Firterjoy Pariat ha ka minit wa 13.
Ka yalehke wa ar da kut ko da 1-1 hapyrdi ka SWO Moosianglamare Old SC wa ka Moolamanoh SC. Ya ka Moosianhlamare Old da thap da u Primi O Muksor ha ka minit wa 39 katwa ya ka Moolamanoh won da thap da u Pressamla Syrti (OG) ha ka minit wa 78.
Ha ka yalehke wa le, ka Lakadong Umlatdoh SSC da jop ko ya ka Dkhiah West SCSO da 2-0 da ki kool wa thap u John Smill Amkhloo ha ka minit wa 23 wa u Pynshai Bha Amkhloo ha ka minit wa 70.
Ya kani ka 2nd Division da wan wow wai pyrda da u Joshwa Sajem, Vice President ka EJHDFA kam u kongsan deiwa emlang kiwa kitkaam ka Association kam u Mehiwot Shadap, Working President, u James Sutnga, General secretary, u Wilbert Nongtdu, Working President Tournament, u Embhahlang Lamurong, Secretary Tournament wa u Rymphang Nongtdu, Ex-Member ka EJHDFA.
Ha kani ka sngi da saam leh ki riam cha waroh ki Referee kiwa da e sñiawbha da u Joshwa Sajem.
Discussion about this post