Ka West Jaiñtia Hills District Adventure Sports and Mountaineering Club da pynman ko ya ka e sikai wa tip kam ka 3 Basic Adventure Tour Guide Course nadooh ka 7 hadooh 11 tarik uni u bnai ha kiwa boon ki thaw wa em ha West Jaiñtia Hills District.
Waroh da em 20 ngut kiwa da chimbynta ha kani ka e sikai wa mynkna wa kynthup ya 4 ngut na Sohra wa 2 ngut na Mawsynram deilang wa kiwa boon ki dkhot ka Club.
Ka thong kani ka e sikai toh wow yarap ya ki khynroo khyllood kamjooh kiwa man kam ki Local Guide yow tip ki chaphang u chna Tent, kammon wow im cha khloo cha kjam, u kdoh tylle, u hiar riat da ki tylle, i chna Stretcher da ki tylle wa kiwi de wei da chimbynta ki leh wow pynkhooid ya ki soodong sookun.
Ha ka sngi pynkut da sdang syndon leh ya ka 1st Advance Adventure Tour Guide Course cum Trekking Expedition ha Sakhain, kachaaid Labon yow pynpliah chooh chooh yeiwa da tip.
Ya kani ka e sikai da kyrchaan da ka Major Akshay Girish Memorial Trust deilang uwa sdang ya ka Club chirup wa kiwi ki wym kwah u mih pyrtuid.
Discussion about this post