Ka chaad niam Behdieñkhlam 2025 ka Seiñ Raij Tuber wa jooh pynman khlieh u snem hajrong ka yurim wow beh ya ka khlam, ka kjut chitom wa i sih wa boonjait ha ka imlang sahlang, ynne ka sngi dapoi ko cha ka sngi pynkut hapoh ka Syiem Aitnar wa em ha Tuber Kmaichnong, East Jaiñtia Hills District ha chirup i wan sakhi ki paidbah wa boon na kylleiñ ki chnong deilang kiwa wan uiñke suwari.
Da wan sakhilang leh ha kani ka sngi da ki Montri ka sorkar jylla wa kynthup ya u Shakliar Warjri, u Kyrmen Shylla uwa man leh u MLA ka thaaiñ, neitæ ka Santa Mary Shylla, MLA Saipung Sutnga, ki MDC ka JHADC, ki sahep sorkar najrong ki bru wa mihkhmat na ki Raij ki chnong waphær waphær.
Ka Behdeiñkhlam ha uni u snem toh kawa da sdang nadooh ka 19 tarik uni u bnai wei ynne ka sngi pynkut da man ko kawa yoo phooh yoo phieñ lyngba i wanrah pynhiar ya ki phaw tylli ki rot ki rong wa da chna hei dur i rukom waphær waphær ha chirup ki khubor cha ki paidbah wa ka imlang sahlang.
Discussion about this post