I chah kem ki nong Bangladesh dang pteiñ i hadooh kini ki sngi heiwa ynnin ka sngi 8 ngut da chah kem ki na New Bongaigaon Railway Station, Assam hadien wa psiah tooh ki chapoh India khlem ki kot ki sla wa biang.
Neilang ki pulit da ong wa wa kini ki bru da psiah ki cha Assam na Bangladesh lyngba ka Meghalaya dei thmu wow lai kreh cha Chennai.
Chooh chooh da phla ki wa toh kiwa na Jamalpur, Bangladesh wei thmu ki wow lai kreh cha Chennai, da ong u heh ka Government Railway Police (GRP) ka New Bongaigaon Railway Station.
Da suba leh wa em ki bru wa emkti heini wow wanrah ya kini ki 8 ngut cha India wei i takit dang lai i chaphrang tangwa kini ki bru da ong ki wa da yoh ki wow psiah neidaw wa oor ki naar chieh wa kær pood hadien wa joor u slap.
Kiwa chah kem da tip kam u Babu Sheikh, u Ashraful Haque, u Alamin Ali, u Mamun Sheikh, u Mohammad Ali, u Rahul Amin, u Musharraf Ali wa u Asharul Haque.
Uwi na kiwa chah kem da ong u wa da em leh kiwi kiwa boon wa da yoh u psiah.
Discussion about this post