2nd Division EJHDFA: Jop ka Umlyngsha, ka Tuber Kmaichnong wa ka Khliehriat East

Ka 2^nd Division 2025 ka East Jaiñtia Hills District Football Association (EJHDFA) dapoi ko cha ka sngi wa san ynne deiwa pynman le tylli ki yalehke.

Ha ka yalehke wa nyngkong, ka Umlyngsha Youth SSC da jop ko da 3-0 ya ka Wapung Chnong SSC da ki kool wa thap u Seibor Syrti ha ka minit wa 52, u Kamni Rupsi ha ka minit wa 58 wa u Daplin Lamare ha ka minit wa 74.

Related posts

Pynskem ka Lajong ya ka Contract ki 8 ngut kiwa yalehke | Ar ngut kiwa da yut cha kiwi ki ISL Team

July 6, 2026

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

Ha ka yalehke wa ar, ka Tuber Kmaichnong SSC da jop ko da 5-1 ya ka Moopynien SCSO. Ya ka Tuber Kmaichnong SSC da yoh Hat-Trick u Samewanki Ryngkhlem uwa da thap ha ka minit wa 12, 72 wa 81, u Arnes Ryngkhlem ha ka minit wa 32 wa u Coming Dkhar ha ka minit wa 72 katwa ya ka Moopynieng da thap da u Aron Rymbai ha ka minit wa 34.

Ha ka yalehke wa le, ka Lumshken SC da rem ko da 3-1 ha ka Khliehriat East YWSC. Ya ka Lumshken da thap da u Yoowest Khaïi ha ka minit wa 57 katwa ya ka Khliehriat East da thap da u Kobar S Swer ha ka minit wa 19, u Silvester Shylla ha ka minit wa 37 wa u Remitre Lyngdoh ha ka minit wa 73.