U Montri Rangbah ka jylla, u Conrad K Sangma, ha ka 25 tarik da wai u ya ka True North Swimming Academy wa em ha Laplang, Shillong kawa da chna deiwa yoh yarap poisa napoh ka CM Elevate Program.
U Conrad hawa e yei klam da e yaroh u yei miat i rukom chna wei pynwandur ya kani ka chlem e sikai yimpa deiwa ong leh wa i rukom chna ka toh iwa pliah bha deiwa paitbniah ya iwi pa iwi wei daw man ko leh kam ka thaw wow sai wei pynwandur ya kitu kiwa em sap wow yimpa.
Da kmen u leh yeiwa em ki bru samen wa bien u wan chakhmat wow chna ya kam kini ki jait thaw.
U Montri Rangbah da khana u leh wa hapoh ka CM Elevate da mynjur ya ki kreh namo ki Project wa em hadooh 2840 tylli deiwa pynlait Rs.146 klur cha kiwa seiñ khih wei ka thong ha kini ki 2-3 snem toh wow e yarap ya 20,000 ngut kiwa seiñ khih heiwa ka mang poisa man ko palat Rs. 500 klur.
Ya kani ka True North Swimming Academy da chna deiwa e yarap Rs.1. klur na ka CM Elevate kawa da e cha u Gary Lamare, uwa man kam u Founding Member ka True North heiwa kani ka thaw da em ko leh ya ka Gym wei kiwa e sikai leh toh da kiwa da biang wa da yoh yei tipmit.
Kani ka thaw yimpa (Swimming Pool) toh kawa jrong 25 Metre kawa man kam ka Multi-Lane Pool wei yillu ko 3 phut hadooh 6 phut.
Discussion about this post