Siat uwi ya idæ hadien wa siat yap u ya 5 ngut

5 ngut ki bru da chah siat yap ki ha Bangkok ha uwi u bru uwa da siat won ya idæ hadien wa leh yeini.

Ini da jia i ha Or To Ko Market wa em hajan ka Chatuchak Market kawa man ka thaw wa ka-it bha kiwa uiñke suwari.

Kani ka Or To Ko Market toh ka yaaw dai baam dai jhoor wei kiwa chah siat yap toh soo ngut kiwa man kam ki Security Guard wa kawi ka kynthai.

Katkam iwi i Video wa da em wa yoh u riñ heipor wa dep jia wot, da yoo wa uni u bru rah u ya ka Pistol ha kti wei da em ki metyap wa thiah ha sarok chadien u.

Ki pulit da chem ki yei metap uni uwa siat hajrong kawi ka thaw chong (Bench) wa em hapoh kani hi ka yaaw.

Related posts

E FIR ka BJP pyrchah ya ka Congress wa chna ko yei Video thok wa chah tim u Modi ha ka bei u

September 13, 2025

Daw khang ya ki sarok wa lai cha Sohra kattu katni kynta

September 13, 2025

Uni u bru toh uwa sap tupri, ka T-Shirt rong yong, ka patlun tbian wei uwa rah muna. Na ka Driving License wa chem na oo, i pyrtuid u toh u Noi Praidaen uwa 61 snem i rta na Nakhon Ratchasima, Khong District.

Ki pulit da pyntip ki najrong ki san ngut kiwa chah siat yap ha uni u bru da em leh ar ngut ki kyntai wa mynsoo.

Ki pulit dang takit ki yow tip yei daw wa jia ini.