Ha ka 1 tarik uni u bnai, ka yung bichaar u N.A. Khan, District and Sessions Judge, Jowai, da rai pynrem ko ya ki le ngut ki bru kitæ u Nios Shylla, u Leader Syngkon wa u Koi Syngkon hapoh ka Section 304 Part-II ka Indian Penal Code (IPC) kam kiwa emkti hei yap u bru tangwa ym em da kheiñ ki kam kiwa thmu wow pynyap bru (culpable homicide not amounting to murder).
Kani ka Case toh kawa heiyatoh wa iwa da jia ha ka 20-02-1997 heiwa u waheh chnong ka Tamu da ujor FIR u ha Saitsama Outpost, Jaiñtia Hills District pyrchah ya u Nios Shylla, u Leader Syngkon, u Brother Syngkon wa u Koi Syngkon wa da wan ki wow khut ya u Just Shadap yow mih u cha lait i yung u heiwa da dat da boom ki oo da u dieñ thlieh.
Neidaw ini wa chah dat, u Just Shadap da khlaad u pyn ha kani ka jooh ka sngi hi wei ya ka Case da Register ha Jowai Police Station hapoh ka Section 302/34 IPC heiwa da takit wei Charge Sheet da u D.M. Sangma, MPS uwa man kam u Deputy Superintendent of Police ha itu i por.
Hadien wa pyndep ya ka bichaar, da rai pynrem ya u Nios Shylla, u Leader Syngkon wa u Koi Syngkon hapoh ka Section 304 Part-II IPC deiwa phah kset ki mar 5 snem deiwa khor bha deilang ka kuna wa mar Rs. 1,000.
Discussion about this post