Uwi uwa kreh sorkar wa tip kam u Teseng M. Sangma uwa man kam u Sub-Divisional Agriculture Officer ka South West Garo Hills da chah rah u ha ka um hadien wa heh syndet ka wah Ganol heipor wa dang mut u wow lai cha chiliang kani ka wah ha i thaw wa tip kam i Sella Wari, Edenbari wa em hajan Tura hei janmiet ka 3 tarik uni u bnai.
U Teseng toh uwa chong chnong ka New Tura wei da lai baamdoh u deilang kiwa ha-yung ha-sem u heiwa ha ini i por da chah rah u ha ka um wa khlanbor hadooh wym pu em chem oo kattæ leh.
Da wan wow thooh ya oo da ki bru ka State Disaster Response Force (SDRF), Fire & Emergency Services (F&ES) deilang ki pulit ka Tura.
Yei thooh ya u Teseng ynnin i miet da pyndam neidaw wa da doom ware wei da sdang biang ynne i step.
Ki pulit da pynche ki leh heiyatoh wa em ki khubor hamsaya kiwa da poor wa da chem yei metyap heiwa da ong wym pu em chem wei i thooh dang pteiñ i.
Kani ka wah Ganol da kmai da heh ko neidaw wa joor u slap ynnin ka sngi.
Discussion about this post