Kamwa jooh leh man-u-snem, ha uni u snem leh daw pynman ya ka lehniam Behdieñkhlam yong ka Seiñraij Muthlong ha ka 8 tarik uni u bnai nadooh 1:00 waje i sngi.
Kamtæ ka Seiñraij Muthlong da khut da wer ko ya ki khon ka Bri U Ynñiawtrep Ynñiaw Wasa khamtam ya ki khon ka Niamtre wow wan cha kani ka lehniam Behdieñkhlam ha Biar Nohrong ka Seiñraij Muthlong.
Ha kani ka sngi Nohrong ka Raij Muthlong daw wan chimbynta da ki Seiñraij Mukhap, Rashai, Pammanik, Moobando, Latymphu wa Thadsning kamtæ da khut da wer ya phi waroh ki lok ki jor wow wan sakhi ya kani ka lehniam Behdieñkhlam ka Seiñraij Muthlong (Raij Muthlong).
Ka Seiñraij Muthlong da kyrpaad ko leh ya kiwa dai dukan, dai tiar, dai baam wa ka Seiñraij da pynkhreh ko ya i thaw dai kamtæ kyrpaad ko ya kiwa dai wow sñiawbha u krehlang chirup wa ka khnang u man ko kawa lai bait wei da khang pyrchah wym hoi u dai i mar pynmuaid ha kani ka sngi wei lada chem, ka Seiñraij daw pynchitom ko ya ki katkam ka aiñ chnong.
I pyntip na u Eimi Lyngdoh, President wa u Wanteimi Ymbon, General Secretary ka Seiñraij Muthlong.
Discussion about this post