Ka 2nd Division ka Thadlaskein Sport Association (TSA) kawa tip leh kam ka Joybell Suiam Memorial Football League dapoi ko cha ka sngi wa le ynne deiwa pynman ar tylli ki yalehke.
Ha ka yalehke wa nyngkong, ka Myntoilang FC Bamkamar da jop ko ya ka Mukhla Mission da 3-0 kiwa thap da u Damian Nongrum ha ka minit wa 26, u Somiyo Mukhim ha ka minit wa 40 wa u Armiki Suting ha ka minit wa 70.
Ha ka yalehke wa ar, ka Tyllilang I Moobakhon da jop ko ya ka Mukhla Veteran da 2-1. Ya ka Tyllilang I Moobakhon da thap kool da u Sambor Ramut ha ka minit wa 9 wa u Damon Rynjah ha ka minit wa 41 katwa ya ka Mukhla Veteran da thap da u Deming Bang ha ka minit wa 62.
Ki yalehke mynstep u pynman le tylli:
Nongkhroh Sohbar Vrs Lad Mukhla (10:00 AM)
Hunlang FC Moobakhon Vrs Bamkamar Wah SC (12:00 PM)
U sdang leh ya ka Kelsiroy Pala Memorial Trophy kawa man leh kam ka Super Division da ka yalehke hapyrdi ka Wahiajer SC wa Nongkhroh Rim heipor 3:00 waje i sngi.
Discussion about this post