Ka Kelsiroy Pala Memorial Football League Super Division yong ka Thadlaskein Sport Association da sdang ka ynne ka sngi deiwa wan wai pyrda ya ka da u MDC ka Wahiajer, u Reformimgson Lamare, hei emlang kiwa kitkaam ka TSA nadooh u General Secretary, u E. Lyngdoh, u President, u K. Shylla.
Ya ka yalang tbian chwa wow sdang ka yalehke da pynlai da u President ka Football Tournament Committee ka TSA, u Everist Pariat.
Ka yalehke da sdang ko hapyrdi ka Nongkhroh Rim wa ka Wahiajer SC heiwa ka Nongkhroh da jop ko da 1-0 da ka kool wa thap u Haman Myrboh ha ka minit wa 17.
Chwa ini heipor step da pteiñ ya ki yalehke 2nd Division heiwa ka yalehke wa nyngkong da kut ko da 0-0 hapyrdi ka Lad Mukhla wa Nongkhroh Sohbar.
Ha ka yalehke wa ar, ka Bamkamar Wah da jop ko ya ka Hunlang FC Moobakhon da 3-1. Ya ka Bamkamar da thap da u Iaishah Nongrum ha ka minit wa 2, u Meshanmi Nongrum ha ka minit wa 69 wa 71 katwa ya ka Hunlang Moobakhon da thap da u Riyoo Phawa ha ka minit wa 21.
Ki yakhun mynstep ha ka 2nd Division u sdang ki heipor 10:00 waje i step hapyrdi ka Main Road SC wa Nongdhar Nongthymme wei daw pynbood da ka Iawthymblein wa ka Niriang United heipor 12:00 waje pyrdi sngi.
Ha ka Kelsiroy Pala Memorial Super Division won, ka yalehke u man ko heipor 3:00 waje i sngi hapyrdi ka Lumphyrnai Sohphoh wa ka Nongkhroh Krem Kum.
Discussion about this post