Ar ngut ki Nun deilang wa ar ngut ki Phadar wa uwi u Catechist da chah tba ki ha Balasore District ka Odisha ha ka 6 tarik uni u bnai.
Neiliang ka Catholic Bishops Conference of India (CBCI) wa ka Syro-Malabar Church, Kerala da beiñ ki yeini wa jia deiwa pynbaad wa ya ini da yahkhmat da ki bru ka Bajrang Dal du deiwa suba wei pynbaad ki wa kini ki bru niam Catholic da mut ki wow wan pynkylla niam ya ki bru pyrchah ya ka aiñ.
Da pyntip wa kini ki bru niam da lai ki cha kani ka thaw yow pynman ya ka Mass wa kyrpang neibynta ki ar ngut ki dkhot ka Balang kiwa da khlaad noh.
U Mar Andrews Thazhath, Metropolitan Archbishop ka Syro-Malabar Church, Thrissur da pyntip u wa kini da lai ki yow pynman Mass wa kyrpang wa kynthup ya u Fr. Lijo Nirappel wa u Fr. V. Jojo kiwa na Kerala wei chirup da em ar ngut ki Nun wa uwi u Catechist uwa na kani hi ka thaw wa lai ki kawa tip kam ka Jaleshwar wei kani ka thaw toh kawa da em ki Catholic da slem bha.
Heipor kamwa 9:00 waje i miet u Cathecist da mih liwan u da kawi ka thuk-thuk katwa ki phadar wa ki Nun da bood ki da ka kari nadien wei hadien kattu katni por da chah pynsangeh ki ha ki bru wa em boon ngut ki wym tipmit kiwa da knieh ya ki Mobile Phone ki, da pynlait la-ær ki ya ka chaka ka thuk-thuk u Cathecist wei da pynjæd ki ya ka sula wa sap u wei da klam sih klam sang ki oo.
Ya ka kari wa em ki Phadar wa ki Nun leh da chah pynsangeh ko heiwa da chah pynbaad ki wa wan ki wow pynkylla niam pyrchah ya ka aiñ heiwa kini leh da chah klam beiñ chah klam sih ki.
Heiyatoh wa ini, neiliang ki pulit da kem ki ya ki kattu katni ynnin ka sngi wei da takit leh ya u Phader ka Balang Jaleshwar uwa da khana wa kini kiwa wan toh neibynta wow duwai ha ka lyngkhooh sngi yap ki dkhot ka Balang.
Discussion about this post