Hadien i khang tala ka Pnar Student Movement (PSM) Central Body ya ka yung krehkaam ka JIO ha Jowai ynnin ka sngi neidaw wa ki paidbah da maad ki yei jinjar saja wym biang de ka Network.
Kamtæ ynne ka sngi ki heh ka JIO na Guwahati wa Shillong da wan hiar ki ha Jowai wei da khut yaklam ki ya ka seiñ PSM ha chirup i emlang ki In-Charge ka JIO napoh Jaintia Hills.
Hei yaklam ka seiñ wa ki heh ka JIO da mynjur ki hajrong i wym em chimkhia ki yei ujor ka seiñ ha ki por wa dadep wei neiliang kiwa kreh kani ka Company da kular ki wow leh ya ka Joint Inspection chirup wa ka seiñ neibynta wow pynbiang Network katkam i emkaam ki paidbah hapoh chi tayaaw.
Neiliang ka seiñ PSM da maham haroh ko wa lada jia ym ye u pynbiang Network ko kamwa da kular, ka seiñ daw khang tala syndon noh ko ya kani ka yung krehkaam.
Discussion about this post