Yap u chipai wa dang dep bia wot san bnai hadien i yasiat wa ki Terrorist

Uwi u chipai ka Indian Army wa tip uwa man kam u Lance Naik uwa tip kam u Pritpal Singh (27 snem) na Manupur, Ludhiana District ka Punjab da yap u hadien i yasiat wa ki Terrorist ha Kulgam ka South Kashmir ha ka 8 tarik uni u bnai.

I khyndang ka Army ya ki Terrorist ha ka Operation Akhal dapoi ko cha ka sngi wa 9 ha khloo Akhal iwa man i thaw wa ki Terrorist da rieh ki ha kini i khloo wa rben.

Ka la’ær ha chnong Manupur ka Samrala Sub-Division da dap ko dei sñiawsih katwa dang yang wow wanrah ya i metyap u cha ka chnong.

U Harpreet Singh, uwa man u payu u Pritpal da khana u wa da lai chipai u wow pyndap yeiwa emkaam ha yung wei dang dep bia wot u dang san bnai wei ka kurim u leh da yaam kthang ko hadien wa tip yeiwa yap u.

Da psiah kreh u ha ka Indian Army hadien wa Pass Class 12 khnang wow pyndap yeiwa emkaam ka yung.

Related posts

Lada ym paitbniah yei psiah kiwa na Bangladesh daw booh ko hei maa ya ka Meghalaya: Lahkmen

August 12, 2025

Ya tyrrah ka Bolero Pick-Up wa kawi ka Truck ha East Jaiñtia Hills

August 12, 2025

Ka Indian Army da ong ko wa u Lance Naik Pripal Singh toh uwa na ka 19 Rashtriya Rifles (Sikh Light Infantry), wei da yap u ha ka 8 tarik heipor wa joor i yasiat wa ki Terrorist wei da mynsoo u hadien wa pakhot ki ya u Hand Grenade.

U Harpreet da ong u wa i thmu u Pritpal toh wow kreh toh yow yarap ya u pa u, u Harbans Singh uwa chah sumaar Cancer katni.