Ynnin i janmiet ka 10 tarik heipor kamwa 4:30-5:00, uwi u bru wa tip kam u Wanda-O Najiar da mynsoo u na khlieh nei siat Pistol heipor wa baamdoh u wa ki lok u ha Syntu Ksiar, Jowai.
U Wanda-O da emlang u wa u sahep pulit, u SI Wewanroy Challam wa sa uwi u lok u heipor wa jia ini wei da kit ya u Wanda-O cha MCH, Panaliar neitæ won cha Woodland Hospital, Sabahmuswang da u SI Wewanroy Challam hi.
Mar ya tip yeiwa jia, ki pulit ka Jowai Police Station da phah hajir ki oo u SI Wewanroy Challam uwa man u 2nd O/C ka Nartiang Police Station heiwa da phah wow leh u ya ka Medical Examination.
Hawa takit, u SI Challam da khana u wa lai baamdoh u wa u Wanda-O Najiar deilang wa u Manda-oo Dkhar ha Syntu Ksiar, Jowai wei u Wanda-O da chim u ya ka Pistol u SI Challam wei da kyndehke u ka. Tangwa neidaw wa da dih kiad, u Wanda-O da toh siat bakla u pyn ya oo hi heiwa da toh u na khlieh.
Heitæ u SI Challam da kit u oo cha MCH, Panaliar neitæ cha Woodland Hospital, Sabahmuswang. Da khana u leh wa ym em iwon iwon i kajia wei i siat toh nei bakla donhi.
Neiliang u Manda-oo Dkhar da khana u yeiwa jia heiwa da lai baamdoh ki ha Syntu Ksiar, wei u Wanda-O Najiar da chim u ya ka Service Pistol u SI Challam tangwa ym em yoo u iyi wa jia neibhah wa lai mihlait u. Manda poi biang u da yoo u wa u Wanda-O da thiah u hajrong i snaam wei u SI Challam da kit u oo cha MCH, Panaliar neitæ won cha Woodland Hospital, Sabahmuswang.
Da pyntip won wa hadien da kit noh oo cha Woodland Hospital, Shillong.
Ya kani ka Pistol da chimkti ki pulit wow leh ya ka Forensic Examination wei da e Show Cause Notice ya u SI Wewanroy Challam heiyatoh wa ini wei i takit dang lai i chaphrang.
Kani toh katkam ka takit hadooh wa man katni da ki pulit.
Discussion about this post