U Symbood Montri Rangbah ka jylla, u Prestone Tynsong da kyrpaad u ya kiwa chong dukan ha Ïewduh wow sñiawbha ki wow duwai lang neibynta ka sokar MDA yow ye ko wow chakri rap bha.
U Prestone da ong u yeini ha ka yalang e yarap ka sorkar Rs.10,000 cha kiwa chongdai madan ha Ïewduh kawa da pynman ynne ka sngi.
Da ong to tim to beiñ tangwa kynmoo won du chi laiñ ar laiñ hei duwai yong phi wa u Blai u kyrkhu u ya ka sorkar MDA hapoh i yahkhmat u Conrad Sangma, khnang wa i kyrkhu u poi i deilang ki khubor wa bha wa yaroh.
Heijooh i por da kyntu u ya kiwa boon ki Agency kiwa ye wow yarap ya kiwa chongdai ha Ïewduh, khamtam ka Khasi Hills Autonomous District Council (KHADC) kawa ye wow leh yeini deiwa ong ileh ym leh ko hawa ka toh kawa pait yei bor u Syiem ka Hima.
Da ong u wa ka sorkar jylla da rai ko wow pynkylla dur noh ya ka Ïewduh neibhah wa kitu kiwa lai yaaw ha Police Bazar kiwa leh Standard ym kwah ki wow wan cha Ïewduh wa sma doh wa sma dakha ko.
Discussion about this post