Neiliang ka sorkar da ong ko wa ka lama ka ri India toh kawa man kam ka dak wa pynyoo yei angnood kiwa chong chnong ka ri, kamtæ da emkaam wow booh u pynyieñ ka deiwa em burom.
Da ong leh wa hanla waroh burom ki ya ka lama ka ri tangwa da em kiwa ym pu tip ya ki kyndon nadooh ki bru paidbah, ki seiñ kamjooh ki chnat sorkar kammon u booh u pynyieñ ya ka lama deiwa toh rukom deiwa bood ya ki kyndon aiñ.
Ki kyndon toh kiwa da em hapoh ka aiñ ‘The Prevention of Insults to National Honour Act, 1971’ wa ‘Flag Code of India, 2002 [as amended in 2021 & 2022]’ kiwa da kdaw kammon wow pynhær ya ka lama, i rukom booh ya ka lama wei yeini ye wow yoh na ka website ka Ministry of Home Affairs ka sorkar India deiwa lai ha www.mha.gov.in.
Katkam ka Clause (X) ka Paragraph 2.2 ka Part-II ka Flag Code of India, chah ki wow chna ya ka lama ka ri namo ka National Flag da ki kot yow ye ki paidbah wow kaweh ha ki sngi wa kyrpang ka ri, ki yalang yalehke Sport wa kiwi de.
Tangwa kini ki lama wa chna da ki kot wa pynemkaam ha kini yalang da ki paidbah ymtoh wow noh u ieh ki kat chawa em næ wow noh ki cha khyndaw cha madan.
Ya kini ki lama toh u rah ki cha ki yung ki sem yow leh yeiwa emkaam deiwa em burom.
Discussion about this post