Ka lehkmen ya ka lyngkhooh snem wa 79 i yoh laitlooid ka ri India namo ka 79th Independence Day da man ko kawa phooh wa phieñ ha East Jaiñtia Hills wa da pynman da ki bor District ha Holy Family Parish Playground, Khliehriat deiwa chimbynta chongchit ki sahep sorkar, ki khynnah skur wa kiwa chong chnong.
Ya ka lama le rong ka ri da wan wow pynhær da u Montri sorkar, u Shakliar Warjri uwa da chim leh ya ka Rashtriya Salute neibynta ki 31 tylli ki dhab wa chimbynta ha ka March Past wa kynthup ya ka Meghalaya Police, NCC, Scouts & Guides wa ki skur.
Ha kani ka yalang da saam leh ya ki khusnaam cha ki pulit kiwa da yoh kem drugs wei kini kynthup ki ya u Inspector Mathius Sangma, Inspector Evantinus Pohchen, SI Rajesh Das, SI James Dkhar, SI Returnback Swer wa u SI Sherkhan Buam.
Da saam khusnaam leh cha kiwa sikai heiwa yei naam Best Supporting Teachers Award da yoh da ka Leela Rai, ka Prerna Pradhan wa ka Evelyn Jyrwa na Oxford Secondary School, Lad Rymbai.
Heiyatoh wa ki thaw sumaar, ka Sutnga CHC wa Pamra Paithlu PHC da yoh ki yei naam Best Performing Health Care Institutions yeiwa pynkrehkaam bha ya ka MHIS wa Ayushman Bharat-Pradhan Mantri Jan Arogya Yojana (AB-PMJAY). Ka Pamra Paithlu PHC da yoh ko yei naam Best Performing PHC ha East Jaiñtia Hills District. Ka Rupsi Sutnga na Mookympad B Centre hapoh ka Khliehriat ICDS Project da yoh ko yei naam Best Performing Anganwadi Worker hapoh ka District.
Hei yaleh March Past, ka Sohkymphor Secondary School, Sohkymphor da yoh nyngkong ko wei hei wa ar da yoh ka Holy Family English School, Khliehriat. Ha ki yakob chaad wei pyn-ka-it da yoh nyngkong ka Sacred Heart Secondary School, Byndihati, ka Little Star Secondary School hei wa ar, ka Lad Rymbai and Khliehriat Higher Secondary School, Khliehriat da yoh ko hei wa le.
Ha kani ka sngi da lai e sñiawbha cha kiwa em hapoh ka Shelter Home Boys, Khliehriat, Shelter Home Girls, Khliehriat, ha 7Tyndai Child Care Counseling Centre, Tuber Kmaichnong wa ha Civil Hospital, Khliehriat.
Discussion about this post