Ka Don Bosco College Byndihati, East Jaiñtia Hills ha ka 13 tarik uni u bnai da pynman ko ya ka 8th Graduation Day Ceremony yow pynkup burom ya kiwa da pyndep ya ka puræ puthi yong ka 2022-2025 Batch.
Da wan wow sakhi ya kani ka sngi kam ka kongsan da ka Jacqueline U. Kharpuri, Additional Deputy Commissioner, East Jaiñtia Hills District, u Fr. Jeevan K Lakra SDB, Vice Provincial (INS) wei da yoh ya ki kyntien kyrpang na ka Prof. Streamlet Dkhar Head of Khasi Department, NEHU deiwa emlang leh u Shngainlang Marwein, Research Officer ka Planning Department, DC Office East Jaiñtia Hills, u Fr. Daniel DM Cajee, Principal ka College, ki Marshall wa Assistant Marshall ka College chirup ki HOD.
Neiliang ka Prof. Streamlet Dkhar hawa e yei klam da ban joor ko yei emkaam wow kreh chitom wei da pynkynmoo ko leh wa manda poi cha ka thong ym em mut wa da man kiwa da biang tangwa hap leh wow pdiang yeiwa ym em wow ye u jop.
Ka kongsan won hawa e yei klam da ong ko wa emkaam wow em i chait i khiah hei bor pyrkhat pyrdaiñ kamjooh i doh i pran najrong wa poi i cha ka thong wei wow kynmoo leh wow man kiwa chong chnong kiwa em i kitkhlieh neibynta ka District, ka jylla wa ka ri.
Najrong ki Certificate da pynkup burom leh ya kiwa da pyndep yei puræ puthi da kiwa boon ki khusnaam kam ka H Elias Memorial Award, ka Kiang Nangbah Memorial Award, ka Joseph Fantin Award, ka Henry Fantin Award, ka Sylvenus Sngi Memorial Award, ka Soso Tham Memorial Award kiwa da e cha kitu kiwa yoh Highest Marks na jar jiar ki Department ka College.
Neiliang ka Kalung Angel da yoh ko ya ka Second Rank ya ka College katwa u Lambunmiki Pasi da yoh u ya ka 7th Rank ha ka University List wei da e u leh yei klam neibynta kiwa lai puræ.
Waroh da em 82 ngut kiwa da chah pynkup burom.
Discussion about this post