Ki ar tylli ki seiñbhalang wa kynthup ya ka Khasi Students’ Union (KSU) South East Central Circle (SECC) wa ka Federation of Khasi, Jaiñtia and Garo People (FKJGP), Riwar Circle ha ka 16 tarik da lai ki wow pynyieñ hi ya ki chrot khian wa da chna da ki chken deiwa biahlang wa ki Radium Retro Reflective Tape kiwa da seh ha tymbood u sarok nadooh na Laitlyngkot hadooh ha Mawlieh kawa haap hapoh ka Package 2 u sarok Shillong-Dawki wei kawa man leh ka bynta wa jooh jia boon iwa sñiawsih.
Da leh yeini hadien wa yoo yei kheiñstiñ wei ym bna ka Company wa pynchna ya uni u sarok yei chngaaiñ wei suk ki paidbah wei chwa wow leh yeini da yaklam boonsien wa ki bor sorkar kamjooh ya ka Company wa pynkreh ya uni u sarok heiwa da kyi ki dei khlieh tangwa ym em pynyoo dei kaam.
Kamtæ ym yohsa de khlem da hiar cha uni u sarok yow booh da kini ki Reflector yow chngaaiñ kiwa lai wa wan ha ka thaaiñ Pynursla Sub-Division.
Kini ki ar seiñ da maham ki leh ya ka Company wow leh ko yeiwa emkaam yow pynbiang yei man chngaaiñ u sarok deiwa kær yei rood khamtam ha ki thaw wa oor khyndaw wei lada ym leh kamni daw leh deiwa khor pyrchah ya kani ka Company.
Discussion about this post