Ha iwi i jia wa sñiawma, kawi ka khynnah skur da chah Inject ko ha ki ar ngut ki damok kiwa kah yei dur khmat iwa da jia hakhmat ka Office ka Bible Society wa em ha chrooh ka Madan Student wa ka Dinam Hall Jaiaw, Shillong.
Katkam wa khana ka bei kani ka khynnah kawa em 15 snem i rta kawa lai puræ Class-X, ini da jia i heipor ar duna katwa kani ka khynnah dang mut ko wow lai cha skur.
Kani ka manbei da khana ko wa kini ki damok toh kiwa chong ha kawi ka Scooty wei syndet syndet da dung ki da u thyrnia na kti wei hadien wa jia ini da syuiñ kani ka khynnah wei da phet ko wut wut cha ka Dispensary wa em ha Jaiaw.
Wei neidaw wa joor khyrngiat wei tieñ, ym kynmoo ko wow pait yei Number ka Scooty leh.
Kani ka khynnah da chah sumaar ko ha Dr. H. Gordon Robert Hospital, Jaiaw.
Ka bei kani ka khynnah da khana ko wa ki pulit da wan ki wow takit wei wow thooh ya kini ki damok.
Da pyrchang leh wow pait da ka CCTV kawa em ha Synod College, tangwa ym em yoh ko wow riñ neidaw wa jngai i thaw wa jia.
Kani ka manbei da pynsñiaw ko leh yei sñiawsih wei da joo umkhmat ko hajrong ini wa jia wa sñiaw chyrkhei ha kini ki por wei da kyntu ko ya ki bei ki pa wa ki chnong ki thaw wow man ki kiwa syndong.
Discussion about this post