Kam chibynta i yakhun pyrchah ya i baam tooh, ki pulit da kem ki ya ki 11 ngut kiwa kreh ha Gauhati Medical College and Hospital (GMCH) wa kynthup ya 8 ngut ki chynrang wa 3 ngut ki kynthai wa dawa poisa na kiwa ha-yung ki khonboo wa dang dep kha wot ha Guwahati, Assam.
Kini kiwa chah kem kynthup ki ya u Nayanmoni, ka Pratima Sarkar, u Prabin Deka, u Lankeswar Rajbangshi, u Azizur Rahman, u Golok Talukdar, u Chinmoy Deka, ka Shukla Bairagi, u Ashim Deka, ka Alka Choudhury wa u Nandu Das.
Ki manbei manpa da ujor ki wa kini kiwa kreh da dawa ki Rs. 500 wa Rs. 1,000 neibynta ki kaam wa khian kam i taan Trolley wa kamjooh ka cha na ki bru.
Heiyatoh wa ini da Register ya ka Case No. 140/25 hapoh ka Bharatiya Nyaya Sanhita (BNS).
Ki pulit ka Guwahati da pdiang ki ya ki ujor wa em kiwa kreh ha ki kyrdan khian kiwa dawa poisa neibynta ki kaam wa khian bha.
U DCP ka Guwahati, u Mrinal Deka da ong u wa da Register ya ka Case pyrchah ya ki kattu katni kiwa kreh ka Guwahati Medical College and Hospital wei da kem leh ya kattu katni ngut.
Ka sorkar Assam da phah ko ya ka takit hadien wa yap i khonboo wa dang 15 sngi neidaw wa haap i najrong palong ha ka Neonatal Intensive Care Unit (NICU) ka Gauhati Medical College and Hospital (GMCH).
U Chief Minister ka Assam, u Himanta Biswa Sarma da ong u wa ini i jia toh nei kheiñstiñ wei da phah u ya ka takit heiwa ki pulit ka Guwahati leh da Register Case ki katkam ka FIR na u pa ini i khonboo.
Ynnin u Himanta da lai u cha GMCH wei da beiñ u yeini iwa jia.
Discussion about this post