E yarap ka Ladthadlaboh, ka Loomiongkjam, ka Ïeibha Rta Society wa Jaiñtia Fishing yow lai yakhun cha ka NGT neibynta ka wah Myntdu

Ynnin ka Ladthalaboh Dorbar Chnong ha i yahkhmat u ABM Shullai kam u waheh chnong chirup wa u E. Phawa, General Secretary da him ki ya ka rai wow kyrchaan ya ka Khooid Ya Ka Wah Myntdu ha i yahkhmat u Khroo L Pariat, President yow yoh hukum na ka NGT Principal Bench New Delhi u yada, u pynbha, pynmiat ya ka wah Myntdu kawa pynim ya ki bru kiwa im wa sah chi lynter yong ka.

Neiliang ka Ladthadlaboh da e ko da ka song poisa kawa Rs. 5000.

Ha kani ka jooh ka sngi, ka Loomiongkjam Dorbar Chnong won hei yahkhmat u M. Challam, waheh chnong kam i sdang, da e poisa ko kam ka chnong 2500 deiwa yooluti wa ka NGT u e ko yei hok ka Myntdu yow im yow chngaaiñ kani ka pateiñ wa im wa sah tawiar yong ka wa ka pateiñ kawa daw wan leh.

Related posts

E por ka JNC ar bnai ya ka PHE wow pynpoi um cha ki chnong wa dadep pynkreh ya ka Scheme JJM

April 17, 2026

Tyrrah ka lieñsuiñ ka SpiceJet wa ka Akasa Air | Chah pyndam ki Pilot  

April 17, 2026

Neiliang won u Dawiangbha Passah, Chairman wa u Da O Chwa Challam, Secretary chirup wa ki dkhot ka Ïeibha Rta Society, Jowai da e kyllooid mynsien ki Rs. 5500.

Ynne won ka sngi, ka Jaiñtia Fishing & Environment Protection Association da e yarap ko Rs. 10,000 deiwa yooluti wow yoh ya ka hukum wa bha wa miat ha kani ka 22 tarik.