Chah kem 5 ngut ki dkhot ka HNYM kiwa dawa poisa na ki kari kamai

Ynnin i miet ki pulit ka Nongpoh Police Station da kem ki ya ki 5 ngut ki dkhot ka Hynniewtrep National Youth Movement (HNYM) hajrong i dawa poisa ki na ki kari kit Tourist deiwa kam wa kynreh ki ya ki baar jyllla.

Kini ki dkhot ka HNYM kynthup ki ya u Donboklang Kharbani, President ka HNYM Nongpoh Circle, u Sparly Syngkli kam u Chairman ka Anti Influx Cell ka seiñ deilang wa u Aiborlang Marbaniang, Working President ka Nongpoh Circle, u Krius Pariong wa u Ricky Tangsang kam ki dkhot.

Ha ka ujor da ong wa em ar ngut kiwa yah kari kamai kiwa em hapoh ka seiñ ki kari kamai ka jylla kiwa da chah dawa poisa ha ki dkhot ka HNYM kiwa da lai ujor ha Nongpoh Police Station.

Kini ki damok da dawa ki hadooh Rs. 3,000 wa Rs. 6,500 na kawi ka kari kamai wa kit ya ki bru na baar jylla.

Related posts

Chah tooh biang sa kawi ka Scooty na pchem yung ha Jowai

February 4, 2026

Chah kem u Police Inspector wa baam poisa na u hehspah deiwa maham

January 31, 2026

Hajrong ini da rah noh ya ki cha yung bichaar.