Yoh kem ki pulit ka West Jaiñtia ya le ngut kiwa tooh Scooty deilang ka kari wa pynemkaam ki

Ki pulit ka West Jaiñtia Hills ynne i step synyaaw ka 22 tarik heipor kamwa 2:30 lyngba ka Special Cell Jowai DEF hei pait u Jason Myrom, Additional SP ka District da pynman ki yei kynreh ha thaaiñ Demthring hadien wa tip tikna wa pynlai ya ki kari ar chaka wa chah tooh lyngba kani ka thaw.

Ha ini i por, ki pulit da yoh ki wow ksoh ya kawi ka kari Alto K10 kawa em ki tiar kari wa boon jait hapoh wei manda kylli takit ya kiwa em hapoh da lai yah ki ya ki pulit cha iwi i khloo wa em hajan wa da murieh ya le tylli ki Scooty.

Kamtæ ki pulit da kem ki ya u Jopparson Rabon (24 snem) uwa na Thangraiñ uwa yah ya kani ka Alto K10 ka wym em Number, da kem leh ya u Meshanki Langstang (22 snem) uwa na Thangraiñ hi uwa emlang hapoh kani ka kari wa u Paulme Sungoh (21 snem) uwa na chnong Nangbah uwa da chem na i khloo wa em hajan Demthring iwa man i thaw wa da murieh ya ki le tylli ki Scooty Yamaha Cygnus Ray XR.

Kini ki Scooty toh kiwa em Number ML-05V-4471, ML-05Y-5008, ML-05AC-0799.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Hawa takit ya kini ki le ngut da phla ki wa da tooh ya kini ki Scooty na thaaiñ Laban wa Jhalupara ka Shillong.

Ki pulit da rah ki ya kini ki Scooty deilang ka kari Alto K10 cha Jowai Police Station wei ka takit dang lai ko chakhmat.