Daw wan yalehke ka Argentina deilang wa u Lionel Messi ha India

Kiwa yalehbol ka Argentina deilang wa u Lionel Messi daw wan yalehbol ki ha India iwa da pyntikna da ka Argentina Football Association ynne ka sngi.

U Messi u wan u deilang ka Football Team na Argentina wei daw yalehki ki ha Kerala ha u Kmaichonglad (Nov), 2025 heiwa ka tarik wa ka liang wow chimbynta daw pynbna won hadien tangwa u pynman ka ha Kerala.

Ka National Team ka Argentina kawa tip leh kam ka Albideleste daw lai chwa ki cha Luanda wa Angola chwa u wan chi cha Kerala, India hei yahkhmat u Lionel Scaloni.

Kini ki tarik wa da booh wa ye u pynman toh nadooh ka 10 hadooh ka 18 tarik u November kiwa man kam ki yalehke FIFA Friendlies ha Luanda, Angola wa Kerala.

Related posts

Sdang ka 2nd wa 3rd Division 2025 ka West Jaiñtia District Sport Association

August 23, 2025

Khang ka sorkar yei lai ki lieñsuiñ ka Pakistan na suiñbneiñ ka India  

August 23, 2025

Neiliang u Sports Minister ka Kerala, u V Adburahiman leh da pyntikna u yeini i wan u Messi ha u November.  

U Messi da wan nyngkong u ha India ha u snem 2011 ha ka yalehke wa da pynman ha Salt Lake Stadium ka Kolkata.