U pdiang lada man i myntoi ya ka Council lada su tulop ka sorkar: Thombor Shiwat

Hadien wa u Chief Minister ka jylla, u Conrad Sangma da pynbna u wa nadooh u Khonchonglad (November) uni u snem, ka sorkar jylla u su ko ya tulop kiwa kreh ki le tylli ki Autonomous District Council wa kynthup ya ka JHADC, KHADC wa GHADC.

Heiyatoh wa ini, u CEM ka JHADC, u Thombor Shiwat da pyntip u wa ha ka 11 tarik uni u bnai da em ka yalang hapyrdi ka JHADC wa u Dy. Chief Minister, u Sniawbhalang Dhar wei ha kani ka yalang da khut leh ya waroh ki chnat wa yatoh kaam wa ka Council nadooh ka Transport, Forest, Mining wa kiwi kiwi.

Ha ka yalang da yaklam hajrong katwon ka bhah ka Council wa dang sah ha ka sorkar wei manda dep kheiñsap hapyrdi ka JHADC wa ka sorkar, neiliang ka sorkar da ong ko su pyndep ko chisiendon ya waroh kani ka poisa.

U Thombor da khana u wa manda dep su ya kani ka poisa, ka sorkar u su ko kamwa Rs. 8 klur tam chi bnai cha ka Council kam ka tulop wei u leh yeini neibhah kamwa man katni baam por bha ya ka sorkar wow kheiñsap ko katwon ka bhah ka Council toh u yoh ko.

Da pynrap u wa ya kani ka poisa u su ka sorkar cha ka JHADC ymtoh na kawon kawon ka bynta tangwa na ka bhah namo ka Share wa toh hok u yoh ka Council.

Related posts

Hadooh 180,000 Ton i Diesel u thied ka Bangladesh na ka NRL Assam

January 10, 2026

Najrong wa sih sarok sei kit palatpood wei khlem Challan deiwa su Rs.80,000

January 10, 2026

Chooh chooh da ong u wa ya i sap daw kheiñ ka sorkar man ka Quarter namo man ka le bnai wei lada ka poisa dap ko neibynta ka tulop tæ da lut hi ka bhah ka Council, lada duna na ka bhah ka Council, ka sorkar wow pyndap ko wei lada tam won leh ka bhah daw yoh hi ka Council ka.

Heijooh i por da ong u wa lada ka sorkar u ong won ko u knieh næ u chim ya i bor na ka Council tæ man i wym ye u pdiang.

Da pynkut u deiwa ong wa lada duna i yoh bhah ka Council wei u pyndap da ka sorkar man iwa bha tangwa lada ong won wa ka sorkar u lehbor ko man i wym ye u pdiang.