Jop ka Lumchyrmang Mihmyntdu wa ka Tpep-Pale ha ka 3rd Division, ka Dongmihsngi ha ka 2nd Division ka WJDSA

Ka 3^rd Division ka West Jaiñtia District Sports Association (WJDSA) kawa tip leh kam ka 5th Adelbert Laloo Memorial Trophy da pteiñ ka ynne ka sngi da le tylli ki yalehke deilang wa kawi ka yalehke ka 2^nd Division kawa tip kam ka 8th Debo Shullai Memorial Trophy.

Ha ka yalehke wa nyngkong ka 3^rd Division, ka Lumchyrmang Mihmyntdu da jop ko ya ka Y.S.Welfare Pynthorlangteiñ da 2-0 da ki kool wa thap da u Pynshai Biam ha ka minit wa 36 wa u Fredy Chyrmang ha ka minit wa 57.

Ha ka yalehke wa ar, ka Tpep-Pale da jop ko ya ka Lion Socio & Cultural da 6-0 kiwa thap da u Reynar Mujat ha ka minit wa 33 wa 45, u Wansa Oo Biam ha ka minit wa 38 wa 41, u Ebormi Bareh ha ka minit wa 49 wa u Kenny Rymbai ha ka minit wa 56.

Related posts

Jop ka United Phyllong Iingkhaw, ka Maia Club Umjlasiaw ha ka 2nd Division, ka Wahiajer ha ka Super Division

August 26, 2025

Yoh Takma Ksiar ka Mirabai Chanu ha ka Commonwealth Weightlifting Championships

August 26, 2025

Ka yalehke wa le da kut ko da 1-1 hapyrdi ka Youth Welfare Iooksi wa ka Saindur Mihmyntdu. Ya ka Youth Welfare Iooksi da thap da u Lasterwell Suchiang ha ka minit wa 67 katwa ya ka Saindur Mihmyntdu da thap da u Fastermi Phawa ha ka minit wa 41.

Ha ka 2^nd Division, ka Dongmihsngi da jop ko ya ka Shangpung Khliehmuchut da 2-1. Ya ka Dongmihsngi da thap da u Daioshwa Siangshai ha ka minit wa 25 wa u Benison Suchiang ha ka minit wa 69 katwa ya ka Shangpung Khliehmuchut da thap da u Bantei Langstang ha ka minit wa 10.