Chah siat uwa thoh khubor hadien wa chah maham ha u Dy. CM ka Nagaland

Du hapoh chi tayaaw wa u Deputy Chief Minister ka Nagaland uwa man leh u heh ka Bharatiya Janata Party (BJP), u Y. Patton da maham u ya uwa thoh khubor ka Hornbill TV Channel uwa tip kam u Deep Saikia, da chah siat u ha ka yalang paidbah ha Senapati District ka Manipur ynnin ka sngi ha ka chnong wa sah ki Naga. 

U Y. Patton man u leh kam u Home Minister wa u Border Affiars Minister ka sorkar Nagaland.

Chwa ini, ha ka 23 tarik ha ka yalang wa da pynman ha ka chong wa em ha khappood ka Nagaland wa Assam, u Patton da khut u ya u Saikia dei pyrtuid u hadien wa yoo u oo heiwa da kyrkhieh wei da maham u oo neidaw wa pynmih u ya ka khubor wa em ki Naga kiwa da klam ha Camera kiwa da ong wa u Patton kamjooh u MLA yong ki, u Achumembo Kikon ym em wan mih ki cha ki la kamwa chi bnai hawa ka sorkar Assam dang khyndang ko ya ki bru wa sah hapoh ka Rengma Forest Reserve kamjooh ha ki bynta khappood iwa man leh kam i thaw wa kajia pood wa da kam da ka Nagaland iwa dapoi cha ka Supreme Court.

Da em leh ki Video wa da poor wa pynyoo yei klam u Patton ha ka yalang paidbah ha chnong Liphanyan, Wohkha District heiwa da phah u ya ki kattu katni ki bru wow beh oo u Saikia neibhah wa man u bru uwa na Assam wei ym bien u leh wow jubab ya iyi iyi wa kylli u.

Kamtæ ha ka 30 tarik uni uwa thoh khubor da chah siat u ha ki bru wym tipmit heipor wa dang lai thoh khubor neibynta ka yaaw pynyoo syntu, ka ‘Zinnia Flower Festival’ næ ka ‘Cherry Blossom Festival’ ha chnong Laii heiwa u Saikia da toh kuli u ha pohtilit wa ha kjat iwa da jia heipor kamwa 4:00 waje i janmiet.

Ya u Saikia da pynkit chwa cha Senapati District Hospital neitæ won cha Nagaland.

Related posts

Pynbna u Himanta ya ka Scheme ‘Lakhpati Didi’

September 3, 2025

U sdang ka AMKTTA u khang yei wan ki kari kamai Tourist na baar wa lai cha ki thaw uiñke suwari

September 3, 2025

Ki pulit ka Manipur da ong ki wa da Register ki ya ka Case wei da suba wa da pynemkaam da ka suloi Pressurised Air Rifle wow siat ya u Saikia. 

U Saikia ym em u hei maa tangwa dang em u hei chah sumaar.

Neiliang u Editor ka Hornbill TV, u Dzuthono Mekro da beiñ u yeini wa jia heipor wa leh uwa thoh khubor yei kaam u deiwa ong wym ye wow pdiang yeini, kamtæ da dawa na ka sorar Nagaland wa Manipur wow pynman ya ka takit wa khlem leh chiliang wei wow pynchitom ya kiwa emkti.

Tangwa neiliang ki heh chnong ka Laii da ong ki wa da yoh ki wow kem ya u bru wa siat heiwa uni u bru ymtoh u tre chnong tangwa uwa wanke cha ka chnong wei kani ka jait suloi wa pynemkaam u toh kawa da khang wei i chah siat u Saikia toh deiwa toh bakla neibhah uni u bru dang mut u wow siat sim wei ym em yoo u ya u Saikia.