Yap 16 ngut ha Nepal hadien wa khang ka sorkar ya ka Facebook, WhatsApp, Instagram, YouTube wa kiwi ki Social Media

Ka sorkar ka ri Nepal da khang (Block) ko ya ki rynsan Social Media kam ka Facebook, WhatsApp, Instagram, YouTube wa kiwi kiwi hadien wa kini ki Company ym em u bood ki ya ki kyndon thymme ka ri wa emkaam ya ki u Register wa ka sorkar Nepal.

Kiwa boon kiwa pynemkaam ya ki Social Media da ong ki wa ym ye ki wow pynemkaam ya ki Account yong ki iwa da wanrah yei chrai hapyrdi kiwa boon.

Ki kyndon ka sorkar da ong ko wa waroh ki Social Media Company emkaam u Register ki wa ka sorkar khnang wow ye ki u khih namo u leh Business hapoh ka ri.

Kiwa pynemkaam Social Media da ong ki wa da ye ki wow pynemkaam ya u YouTube, Twitter wa WhatsApp hadooh ynnin i miet heipor 10:45 donhi.

Nyngkong ka sorkar Nepal da khang ko ya ki 26 tylli ki Social Media Sites nadooh ka 4 tarik uni u bnai neibhah wym em Register ki wa ka sorkar ka ri.

Ya ini i rai da chim na ka yalang wa pynlai u Prithivi Subba Gurung uwa man u Minister of Communication and Information Technology, dei emlang ki heh ka Nepal Telecommunication Authority wa kiwi kiwi heiwa da rai wow khang ya kini ki Social Media hadien wa kut i por wa 7 sngi iwa da kut ha ka 3 tarik i miet synyaaw. 

Hadien wa ki Social Networking Site kam ka Facebook, Alphabet, X, Reddit wa LinkedIn ym em u yoh khubor ki na ka Ministry heiyatoh wa kammon u Register, ka sorkar da rai ko wow khang noh chwa ya ki.

Ki Platform kam ka Viber, TikTok, Wetalk wa Nimbuzz toh kiwa dadep register, ka Global Diary wa Telegram dang leh ki yeini katwa ka WhatsApp, Facebook wa Twitter ympu sdang ki wow Register.

Ini wan i leh hadien ka yalang u Communications Minister, u Prithvi Subba Gurung wa ka hukum na ka Supreme Court.

Related posts

Da wanrah ya boon tylli ki Amendment Bill ha ka sngi sdang ka Autumn Session

September 8, 2025

Chimpor u Lamphang wow rai ya ka ujor ka Congress pyrchah ya ki 4 ngut ki MLA kiwa da kynthiar cha ka NPP

September 8, 2025

Kani ka hukum wow khang ya ki toh ha waroh kawi ka ri wei ya kiwi kiwa daw chem wa ym em bood ki yeini leh daw khang noh ya ki, da ong ka Ministry of Communications and Information Technology.

Hadien ini neiliang ki paidbah wa pynemkaam Social Media hapoh ka lama ka Gen-Z da rai ki wow pynman ya i yakhih ha waroh kawi ka ri heiwa ynne da em 16 ngut kiwa yap hei yakhih hadien wa mih i ya tyngkhooh ki pulit wa ki paidbah heiwa da em kiwa dapoi hadooh wow ku cha ka thaw psiah cha Parliament.

Ki paidbah da mih ki da ki phaw hajar ngut yow dawa yei hok yong ki neibhah da ong wa i khang ya ki Social Media toh i buit ka sorkar yow murieh yei kaam baam tooh wei yow lait ki paidbah u pynyoo pyrthai yeini waroh.

Najrong ini da ong ki leh wa pynemkaam ki ya ki Social Media neibynta i khih i khan ki wei ini i khang ka sorkar da ktah bha ko yeini.

Ka sorkar da ong ko wa da leh yeini yow yada ya ki paidbah wa pynemkaam Social Media yow chimkhi kini ki Company ya ki Fake News, Hate Speech wa ki Online Crime namo i chah thok chah chukor ha ki bru wa chim kabu.