Thmu ka sorkar wow chna ya u sarok thymme na Sohryngkham u wow mih chadooh New Shillong

Ka sorkar da em thmu ko wow chna ya u sarok Eastern Bypass wa jrong 9.95 Km na Sohryngkham cha Mawshbuit wa Mawlynrei yow mih cha New Shillong wei yeini da pyntip da u Symbood Montri Rangbah, u Prestone Tynsong uwa pait leh ya ka chnat PWD(R) hawa klam hapoh ka yung dorbar chna aiñ yow pynduna yei khynnia ka Shillong yow lait ki kari u psiah napoh sor.

U Prestone da ong u yeini hawa jubab heiyatoh wa u sarok wa jrong 600 meter na Mashbuit cha Happy Valley uwa lai nei thaw ki chipai ka 58 Gorkha Training Centre kawa da booh leh da ka Gate ha uni u sarok iwa da pynthut yei lai i wan ki paidbah.

Yow chna ya uni u sarok thymme, ka sorkar da yoh ko yei thaw wa da e da ka chnong Mawshbuit wei katkam wa leh Survey, uni u sarok daw haap u hapoh ka Mawshbuit-Mawlynrei kamwa 4 Km heiwa 300 meter won daw hap lai luti nei thaw ki chipai. Wei neibynta ini da yaklam ka sorkar wa ki chipai yow yoh u chna ya uni u sarok.

U Prestone da ong u wa manda ye u pynyabi ya ka Sohryngkham-Mawshbuit wa Mawshbuit-Mawlynrei daw tip noh ya uni u sarok kam u Eastern Bypass yow pynsuk ya ki kari wa mut wow lai cha Shillong wei da sñiawskem u wa sorkar daw ye ko wow pynbait yeini.

Related posts

Da sdang da ka One North East kam ka rynsan wow pynyatylli ya ki seiñ saiñhima ka thaaiñ

November 4, 2025

Ympu em rai ka BCCI lada u pynman ya ka Victory Parade

November 4, 2025

Heiyatoh wa u sarok wa jrong 600-metre ha Mawshbuit–Happy Valley wa em hapoh i pait ki chipai uwa da sih bha, da ong u wa ka sorkar da yaklam ko wa ki chipai wow pynchna ka wei lada ym leh ki, ka sorkar da pynkhreh ko wow chna da ka.

Da ong u leh wa neibynta u sarok thymme da yooluti wow yoh NOC noh ym slem de na ki chipai yow suk noh kiwa chong chnong ka Mawshbuit.