Ar snem phah kset ka yung bichaar ya uwa pynmynsoo ya uwi hadooh wa yap ha Jowai

Ynne ka sngi, ka yung bichaar u N.A. Khan, District & Session Judge, Jowai da rai pynrem ko ya u Dros Pakem hapoh ka Section 304 Part II ka IPC hei kaam pynmynsoo bru hadooh wa yap.

Kani ka Case toh katkam ka FIR wa da yoh ha ka 24-07-11 wa da booh uwa chi payu uwa yap ha u OC ka Jowai Police Station.

Katkam ka FIR, ini da jia i ha ka 23-07-11 heipor kamwa 10:00 waje i miet heiwa u Dros Pakem da dat u ya u Doa Pakem da kawi ka knor dieñ na khlieh ha Mooralong, Jowai wei neidaw wa joor mynsoo u Dao da khlaad noh u ha ka 24-07-11 heipor wa kit ya oo cha Civil Hospital, Jowai.

Related posts

Kyntu u DC ya kiwa uiñke suwari wym toh u bichaar du yeiwa jia ha sor neibhah ka East Khasi Hills pdiang ko ya ki

August 24, 2026

U Dr. Kharlukhi em u ka yong oo hi ka ‘Plan’, ong u Conrad deiwa pdiang yeiwa mih noh u na ka NPP

August 24, 2026

Ya kani ka Case da takit wei da Charge Sheet da u SI E. Pohchen deiwa pynngat hapoh ka Section 302 ka IPC.

Hadien wa pyndep yei bichaar, da phah kset ya u Dros Pakem ar snem deilang ka kuna wa Rs. 2000.