Ha Amlarem da ka Candlelit Dinner i baam ja miet ki bru: Lahkmen

U MLA ka Amlarem, u Lahkmen Rymbui da ong u wa ha ki thaw sor ki bru baam-ja-miet ki dei che kdar katwa ha ki chnong yong ka Constituency oo hap baam ki deiwa thang mombati kamwa mutdur ki bru sor kawa tip kam ka Candlelit Dinner.

Yeini da klam u hawa kylli ynne ha yung dorbar chna aiñ hajrong i dooh bordiñ ka thaaiñ Amlarem wa man-i-por khamtam ha Bakur wa Dawki.

U Lahkmen da ong u wa ka thaaiñ em ko ya ka Leskha Project wa pynmih bordiñ tangwa ym kop ki bordiñ.

Hawa jubab yeini waroh, u AT Mondal da ong u wa u dooh bordiñ toh nei duna u slap, i joor la’ær wa kiwi de ki daw.

Related posts

U Dr. Ricky toh uwa kreh nadooh mynsien khlem da pyrkhat ya ka Politics | Nga yachem kaddooh wa oo ar tayaaw nachwa ha Delhi: Conrad

February 19, 2026

Kam wow sñiawlem ya u Dr. Ricky AJ Syngkon da phah wow pyndam ya ka dorbar mang tangka ha ka sngi Thohdieñ

February 19, 2026

Da ong u leh wa da chah ktah nei haap ki dieñ ki siej ha kani ka thaaiñ.

Hawa pdiang yeiwa ong u Lahkmen, u Montri da ong u wa ka chnat bordiñ dang pynbha ko ya ka bordiñ nadooh i chna ya ka Line, ki Transformer wei kawi leh toh wa em du kawi ka Control Room ha ki 3 tylli ki Sub-Station, wei kani da pynthut ko yei krehkaam.