Le snem phah kset ka yung bichaar ya uwa pyrchang wow slaitbor ya ki le ngut ha Iawthymme

Ha ka 9 tarik uni u bnai, ka yung bichaar ka P. Syngkon, Special Judge (POCSO), West Jaintia Hills da rai pynrem ko ya u Juh Lhuid hapoh ka Section 7 wa hapoh ka Section 8 ka aiñ POCSO Act, 2012.

Kani ka Case toh katkam ka FIR wa da e ha ka 16-08-2018 da u Dister Sapuh, VDP Dongmihngi deiwa ong wa ha katai hi ka sngi heipor 6:30 i janmiet da em u bru wym tipmit uwa da pyrchang wow slaitbor ya le ngut ki khynnah kynthai ha lawthymme, Dongmihngi, Jowai.

Uni u bru da yoh u wow yut tangwa ka kari wa da pynemkaam u deilang ki lok u da yoh wow kem ka wei da e kti ka cha ki pulit.

Related posts

Yoh kem drugs ki pulit na Lum Survey deilang ki bru kiwa suba toh kiwa na baar ri

February 18, 2026

Chah tooh biang sa kawi ka Scooty na pchem yung ha Jowai

February 16, 2026

Ya kani ka Case da Register ha Jowai Police Station deiwa pynngat hapoh ka Section 9 (m)/10/16/17 ka aiñ POCSO Act heiwa da takit wei Charge Sheet da ka WPSI I. Kharpran wei da chem wa uni u bru wa emkti toh uwa tip kam u Juh Lhuid.

Hadien wa pyndep yei bichaar, ka yung bichaar da phah kset ko ya u Juh Lhuid le snem deiwa pynchitom joor bha deilang ka kuna wa Rs. 5,000.