Psiah Quarter ka Nonglatem wa ka Da-I-Hi Mynsngat ha ka 3rd Division ka WJDSA

Ka 3^rd Division ka West Jaiñtia District Sports Association (WJDSA) kawa tip leh kam ka 5th Adelbert Laloo Memorial Trophy dapoi ko cha ka yalehke Pre-Quarter Final ynne ka sngi da ar tylli ki yalehke deilang wa kawi ka yalehke ka 2^nd Division kawa tip kam ka 8th Debo Shullai Memorial Trophy.

Ka yalehke wa nyngkong da kut ko da 3-3 hapyrdi ka SCSC Nonglatem wa ka Mookaswan Dongnein, kamtæ da pynman da ka yachut Tie-Breaker heiwa ka Nonglatem da jop ko da 4-2.

Ya ka Nonglatem da thap kool da u Iforme Muktieh ha ka minit wa 31, u Tomy Lamare ha ka minit wa 64 wa u Dotol Langshiang ha ka minit wa 74 katwa ya ka Mookaswan Dongnein da thap da u Pyrkhat Shylla ha ka minit wa 4, u Lastborn Phawa ha ka minit wa 28 wa u Shain Shylla ha ka minit wa 77.

Ha ka yalehke wa ar, ka Da-I-Hi Mynsngat da jop ko ya ka Mookyrdup da 2-1. Ya ka Da-I-Hi Mynsngat da thap da u Banker Muksor ha ka minit wa 34 wa u Hopestarwell Thubru ha ka minit wa 40 katwa ya ka Mookyrdup da thap da u Shining Rymbai ha ka minit wa 6.

Related posts

Jop ka Mookyndur ha ka Super Division ka TSA

September 12, 2025

Jop ka Khliehmyntang Ialong, ka Lumbahdakha Wahiajer wa ka Giovento Mynso ha ka 2nd Division ka WJDSA

September 12, 2025

Kamtæ ka SCSC Nonglatem wa ka Da-I-Hi Mynsngat da yoh ki wow psiah Quarter Final.

Ka yalehke ka 2nd Division da kut ko da 2-2 hapyrdi ka Moosalyngkat wa ka Shangpung Khliehmuchut. Ya ka Moosalygnkat da thap da u Teimiki Sungoh ha ka minit wa 18 wa u Kitbokmi Suchiang ha ka mint wa 53 katwa ya ka Shangpung Khliehmuchut da thap da u Shikil Langbang ha ka minit wa 1 wa u Heibormi Sungoh ha ka minit wa 72.