Ka yakob yaleh Badminton wa tip kam ka Open To All Master (Veteran) Badmintion Championship 2025 kawa da pynman ha ka 12 wa ka 13 tarik u Naikhynde ha Seinraij Indoor Hall dapoi ko cha wakut hapyrdi i yoosuk yoochongchit deiw wan chimbynta ki bru em sap hei yalehke Badminton na kiwi ki District.
Kani ka Tournament toh kawa da pynman hei pait i pynlai ka West Jaintia District Badminton Association chirup i yakrehlang ka yung krehkaam u District Sports Officer, West Jaintia Hills.
Ki kyrdan yong ki yakob ha kani ka lympung yaleh Badminton toh kiwa kynthup ya ka 75+ Minimum Age-35, 85+ Minimum Age-40, 95+ Minimum Age-45 wa ka 105+ Minimum Age-50.
Napyrdi kiwa chimbynta wa boon, kiwa da yoh u rah yei naam Champion man ki kamni:
Ha ka 105+ Minimum Age-50, u Gyan Ranjan Borah wa u Bastab Neog daman ki kiwa chimbynta wa kynsai deiwa pynrem yow Pynbiang Laloo wa u Goldenstar Kharbuli da 21-14 & 21-18.
Ha ka kyrdan 95+ Minimum Age-45 yei naam Champion da rah da u Gyan Ranjan Borah wa u Bastab Neog deiwa pynrem yow Rimilan Passah wa u Goldenstar Kharbuli da 13-21 & 22-24.
Ha ka kyrdan yakob wa 85+ Minimum Age-40, yei naam Champion da rah da u Da-u-ru Laloo wa u Rimilan Passah deiwa pynrem yow Siddhartha Das wa u Aiborlang Ranee da 21-17, 25-23.
Ha ka kyrdan 75+ Minimum Age-35, yei naam Champion da rah da u Da-u-ru Laloo wow Yutang Kma deiwa pynrem ya u Dr. Peterson Lamare wa u Daymeniv Shullai.
Khaddooh chwa wow poi ka bynta wakut yong kani ka Tournament, neiliang u Khroobok Passah, District Sports Officer, West Jaintia Hills kamjooh leh ki dkhot ka West Jaintia District Badminton Association (WJDBA) wa kythup ya u J.M. Pohsngap wa u D. Pyrbot, President, WJDBA da e kti ki ya ka Certificate deilang ka song poisa cha waroh kiwa poi cha ka thong yong ka Final.
Discussion about this post