Psiah Quarter ka Lumkhangdong Kyndongtuber wa ka YW Iooksi ha ka 3rd Division ka WJDSA

Ka 3^rd Division ka West Jaiñtia District Sports Association (WJDSA) kawa tip leh kam ka 5th Adelbert Laloo Memorial Trophy da ptieñ ko ya ki yalehke Pre-Quarter Final ynne ka sngi da ar tylli ki yalehke deilang wa kawi ka yalehke ka 2^nd Division kawa tip kam ka 8th Debo Shullai Memorial Trophy.

Ha ka yalehke wa nyngkong ka 3^rd Division, ka Lumkhangdong Kyndongtuber da jop ko ya ka Lumchyrmang Mihmyntdu da 7-1.

Ya ka Lumkhangdong Kyndongtuber da thap da u Phorki Chyrmang ha ka minit wa 2, u Medawan Phawa ha ka minit wa 16, 26, 28, 76 wa 77 wa u Kyrchanlang Shylla ha ka minit wa 80+3 katwa ya ka Lumchyrmang Mihmyntdu da thap da u Embor Chyrmang ha ka minit wa 44.

Ha ka yalehke wa ar, ka Youth Welfare Iooksi da jop ko ya ka Umchangiar da 4-1.

Ya ka Youth Welfare Iooksi da thap da u Sammaia Sumer ha ka minit wa 8, 70 wa 74 wa u Pyrchang Tangliang ha ka minit wa 41 katwa ya ka Umchangiar da thap da u Tremi Phawa ha ka minit wa 38.

Related posts

Tyrchaaiñ kiwa pnyoo dohksah ka Satar Gym Ummulong ha ka Mr & Ms Meghalaya 2025

September 15, 2025

Jop ka Niriang ha ka Super Division ka TSA

September 15, 2025

Kamtæ ka Lumkhangdong Kyndongtuber wa ka Youth Welfare Iooksi da yoh ki wow psiah Quarter Final.  

Ha ka 2nd Division won, ka Mulang Ialong da jop ko ya ka Lumpyrtuh Mihmyntdu da 3-0 kiwa thap da u Richard Mulieh ha ka minit wa 29, u Chalet Phawa ha ka minit wa 53 wa u Tympang Tangliang ha ka minit wa 67.