I chah pyndooh chuki u Comingone toh iwa sñiawsih khlem da pait ya ki kaam wa bha wa da leh u

Uwa chong chnong ka Shangpung, u Enrico D Pasi da pynsñiaw u yei sñiawsih wa chah pyndooh chuki Montri sorkar, u Comingone Ymbon.

Kam uwa chong chnong ong u wym em yatoh u wa u MLA næ ka Party u tangwa kwah donhi wow kynmoo ya kiwa boon ki kaam wa bha wa da leh u kam uwa mihkhmat paidbah la soo sien wei hawa man u kam u Montri sorkar leh da wanrah u chiboon i kylla.

Chooh chooh da ong wa hei yahkhmat u MLA da pynku leh ya ka Constituency deilang leh ya ka jylla dei kreh chitom u neibynta i bha i miat.

Tangwa sñiaw dooh mynsien won wym em wa tipmit yeini wa da leh u, “Nga ngait skem O wa lada yoh u wow pteiñ yei kaam daw wanrah chooh chooh u yeiwa bha wa miat neibynta ka jylla. Wei ini i chah pyndooh chuki u toh i dooh nong wei daw sñiaw yeini ym du hapoh ka Constituency tangwa ha ka jylla waroh kawi,” da ong u Enrico.

Related posts

Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

November 2, 2025

Kynmoo tympang ka Balang Catholic Jowai yei mynsien kiwa da khlaad kam chibynta ka All Souls’ Day

November 2, 2025

Kamtæ da ong u wa sñiaw dooh mynsien wow yoo yeini i yapra hapoh ka NPP heiwa ym em de pait yei kreh chitom. Wei heithaw wow pdiang ki yeiwa bakla wa mih na ki hi, da sdang ki wow ya kdaw kti yow pynmylliñ ya ki kaam wa toh u yaklam.

Ini pynyoo ko leh wym bien ki wow pait yei duna kamjooh iwa toh u kitkhlieh ki iwa da pynartatien yeiwa ye ki u leh yei kaam wa da pynkit ha ki, pynkut ka kyrwoh na u Enrico,