Pynmih hukum ka sorkar wow kset ya ki ksaw sarok chi rta lada dait bru ki

Kawi na ki hukum pyrchah ya ki ksaw sarok da pynkhyrngiat ko ya kiwa boon khamtam hadien ka hukum ka Supreme Court ha ki tayaaw wa dadep wei ha kani ka kynti ka sorkar Uttar Pradesh da ong ko wa lada em ki ksaw wa dait bru khlem chah pynchrai u booh ya ki ha ki Animal Centre neibynta 10 sngi wei kitu won wa dait bru boon sien u kset ya ki chi rta.

Kawi donhi ka luti wow lait ki ksaw yeini toh lada em kiwa bien u ri (Adopt) ki deiwa e ya ka dorkhat (Affidavit) wym pynlait de ya ki cha sarok.

Ya kani ka hukum da pynmih da u Principal Secretary, u Amrit Abhijat cha waroh ki bor sorkar ha sor wa palatsor ha ka 10 tarik uni u bnai khnang wow pait ya ki ksaw wa khlan u dait bru, heiwa ki bru wa chah dait u yoh ki ya i Injection Anti-Rabies Vaccine wei toh u takit yeiwa jia kamjooh leh wow kit ya kini ki ksaw cha ka Animal Birth Control Centre.

U Dr. Bijay Amrit Raj, Veterinary Officer ka Prayagraj Municipal Corporation da ong u wa chisien wa dait ki ksaw ya ki bru toh u pait ya i man i long ki neibynta 10 sngi chwa wow pynlait biang ya ki cha sarok. Da ong u leh wa lada u jooh u ksaw dait bru biang u sa chisien khlem chah pynchrai daw kset ya oo ha ka Centre chi rta.

Related posts

Boon da kiwa chongdai ya ki dukan wa em ha Iawmusiang | Daw thooh laad pynyoh thaw ya waroh: Wailadmiki

September 17, 2025

Hap kyrriah ya kiwa chah sumaar na Hospital nei chlai um ha Imphal

September 17, 2025

Heiyatoh won wa kammon u tip wa chah pynchrai ki ksaw, u Dr. Raj da ong u wa daw em ka Committee wa em le ngut ki dkhot wa kynthup ya ki Veterinary Doctor na ka thaaiñ, ki bru wa tip wei sñiawthooh yei man i long ki mrad wa ki bru na ka Municipal Corporation. Kini ki bru u pynsakhiat ki lada dait u ksaw khlem chah pynchrai, wei lada em bru wa dat moo ya u ksaw u kheiñ yeini kamwa chah pynchrai u ksaw.

Kani ka hukum ong ko leh wa lada em ki bru wa kwah u chimkti ya u ksaw daw emkaam ki wow e i pyrtuid, thaw sah wa kiwi chirup wa ka dorkhat wym pynlait de ki ya u ksaw cha sarok. Daw booh leh ya ka Microchip yow tip heiyatoh wa u ksaw khnang wow tip lada pyndik ya oo khnang wow ye u pynchitom ya kiwa chimkti.

Kani ka hukum ka sorkar Uttar Pradesh toh hadien ka hukum ka Supreme Court heiyatoh wa ki ksaw sarok ha Delhi wa ka National Capital Region wow kset ya ki ha ki Shelter Home hapoh 8 tayaaw iwa da wanrah yei chrai na kiwa maya mrad. Hadien ini da chong bichaar biang ya ini i kaam heiwa da phah won wow Inject ya ki ksaw chwa wow pynlait ya ki lait na kitu wa em i kjut biej (Rabies) næ kiwa pynyoo ya ki dak wa em ki yeini i kjut.