U Chief Minister ka Assam, u Himanta Biswa Sarma ynne da ong u wa ya ka lehniam thang ya i metyap u Zubeen Garg u pyndep ha ka 23 tarik uni u bnai deiwa leh warom ka sorkar jylla.
Ynne i janmiet hadien ka Cabinet Meeting, u Himanta da ong u wa da rai wow pyndep ya ka niam thang ya u Zubeen Garg ha ka 23 tarik hajan ka Disang Resort, Sonapur neibhah wa dang boon ki bru wa wan leh warom khaddooh ya oo.
U Himanta da ong u wa ka Bhogeswar Baruah Stadium ha Sarusajai daw wai ya ka 24 kynta neibynta kiwa wan leh warom ya u Zuben Garg.
Chooh chooh da ong u wa ki paidbah ka Jorhat da dawa ki wow pyndep ya ka niam thang ha Jorhat neibhah wa da heh u ha kani ka sor tangwa hadien wa yaklam yillu ha ka Cabinet ynne deiwa kynjoh ktien ya kiwa ha-yung u da rai wow thang ya i metyap u hajan Guwahati.
Heijooh i por da ong u wa kat dang lai i por dang boon ki bru wa pynyoo yei maya wa khaddooh ya u Zubeen wei sñiawthooh ka sorkar yei sñiaw yong ki wei da rai wa ka Bhogeswar Baruah Stadium u man ko kawa wai sngi wa miet khnang wow yoh ki u leh warom khaddooh ya oo.
U Himanta da pyntip u leh wa da rai wow e ya i thaw wa heh 6 Acre hajan Guwahati neibynta wow pyndep ya kani ka lehniam heiwa daw pynsahnaam leh ya u Zubeen.
Discussion about this post