Ka PM SHRI School Jawahar Navodaya Vidyalaya, West Jaiñtia Hills da pynsñiaw ko yei kmen wei sñiaw sarong hadien wa em ki khynnah ko da chah jied ki wow lai puræ MBBS hapoh ka State Quota ka Meghalaya wa ha AIIMS.
Kini kiwa chah jied da em ki waroh 6 ngut heiwa 4 ngut da yoh ki hapoh ka State Quota wa 2 ngut won ha ka AIIMS.
Kiwa yoh ha ka State Quota toh u M.E. Wanehun Dhar, u Thranghok Suiam, ka Deinipaya Nongkrem wa ka Suwandaka Wann.
Ka Fidaroy Sungoh da yoh ko ha AIIMS Gorakhpur wa u Yoonish Lyngdoh ha ka AIIMS Bhvneshwar.
Neiliang ka JNV da kitbok kitrwiang ko ya ki khynnah yong ka wow yoh ki ya ka mynried wa tyrchaaiñ.
Discussion about this post