Ha iwi i jia wa yoo chyrkhei, kawi ka Scooty kawa em Number ML-05T-4679 da lai psiah ko kluk hapoh uwi u nala wa em harood u sarokbah Shillong-Guwahati hadooh wa ka Scooty da sakut ko chapoh nala wei da pra ko phrai.
Ini da jia i ynne i janmiet ha i bynta ka chnong Dulongnar heiwa da suba wa da jia ini nei joor pynhær ya katai ka Scooty da uwa yah uwa dang wan neiliang Shillong yow lai cha ki bynta ka Nongpoh heipor wa jia ini wei da man iwa joor bha hadooh wa u Steering ka Scooty da sahkut u cha lait katwa kiwi ki bynta ka Scooty da psiah wei da sahkut ki hapoh uni u nala.
Uwa yah ya kani ka Scooty da tip kam u Marïawan Kynta (27 snem) uwa na chnong Sohra wei da mynsoo joor u neibynta i khlieh wa ki kti ki kjat wei da pynkit wut-wut cha Civil Hospital Nongpoh yow yoh yei sumaar.
Neiliang ki pulit dapoi ki ha ini i thaw wei dang pynman ki yei takit wa bniah.
Discussion about this post