Kiwa yalehke ka East Jaintia Hills District Wushu Association (EJHDWA) hei yahkhmat ka Hammylliñ Ki Dkhar kawa na chnong Cham Cham da jop ki 13 tylli ki takma ha ka 22nd Meghalaya State Level Wushu Championship kawa pynlai da ka Meghalaya WUSHU Association kawa da pynman ha Indoor Sport Hall, Polo Shillong ha ka 19 wa 20 tarik uni u bnai.
Kini ki 13 tylli ki takma kynthup ki ya ka 6 tylli ki takma ksiar, 3 tylli ki takma rupa wa 4 tylli ki takma tama heiwa da em 25 ngut kiwa na East Jaiñtia kiwa da chimbynta kynthai wa chynrang.
Kiwa yoh takama man ki kamni:
Gold Medal
1. Samjana Phawa na Pynthorsale ha ka Junior Girls -56kg
2. Mewandayoki Shylla na Tuber Kmaichnong ha ka Junior Boys -75kg
3. Secilia Dkhar na Mutong ha ka Junior Girls -45kg
4. Kongka Dkhar na Mutong ha ka Senior Women-52kg
5. Soo-Ha -O na Cham Cham ha ka Sub Junior Boys -25kg
6. Danika Rasmut na Lumshyrmit ha ka Sub Junior Girls -30kg
Silver Medal
1. Lucy Rymbai na Mukhaialong ha ka Junior Girls -52kg
2. Diponi Dkhar na Lumchyrmit ha ka Junior -45kg
3. Nehtre Pdein na Mukhaialong ha ka Senior Men -65kg
Bronze Medal
1. Bhalang Rymbai na Mukhaialong ha ka Junior Boys- 65kg
2. Shanbor Khaii na Lumchyrmit ha ka Sub Junior Boys-30kg
3. Saiti Khynriam na Lumchyrmit ha ka Sub Junior Girls -30kg
4. Riwa kyndait na Mutong ha ka Junior Girls-_48kg
Neiliang ka East Jaintia Hills District Wushu Association da e khublei kyrpang ya ki bei ki kpa yong ki khynnah wa khamtam ya ki Principal yong ki skur waphær waphær wa da chah ki ya ki khynnah wow chimbynta ha kani ka lympung yalehke.
Ka Association da e khublei ko leh ya ki waheh chnong yong ka Seiñ San Chnong kiwa kynthup ya ka Pynthorsale, Mukhaialong, Mutong, Cham Cham wa Lumchyrmit kiwa da yarap ya ki khynnah nadooh ka bai lai bai wan kiwa da e leh ki kyntien pynchlur ya ki khynnah wow nang ku ki chaphrang ha ka yalehke Wushu wa ha kiwi kiwi de ki jait yalehke Sport.
Discussion about this post