Ka Khad-Ar Daloi Law College Jowai da pynlait paidbah ko ya ki Ticket Lucky Draw ynnin ka sngi iwa da wan leh da u P.W. Lyngdoh, Chairman ka Jowai Municipal Board (JMB) kam chibynta wow pynmih poisa ya kani ka chlem e sikai heiyatoh wa ka aiñ.
Neiliang u Chairman ka JMB hawa e yei klam da yaroh u ya kiwa seiñ ya kani ka College kawa da lai luti la kamwa 39 snem heiwa da ye ko wow pynmih chiboon ki Law Graduates hadooh wa da em ki ar snem wa yoh kani ka College kam ki Topper ar sien.
Ya kani ka yalang da pynlai da u S.S. Langi kam u Chairman ka Fund Raising Committee deiwa emlang u R. Lamar, President ka Society for the Study of Law kawa man ka seiñ wa sdang ya kani ka College heiwa da yoh leh i klam na u Principal ka College wa ki kyntien e khublei na u Shwari Ryngkhlem kam u Secretary ka Fund Raising Committee.
Ki Prize kani ka Lucky Draw man ko kamni:
1st Prize- Rs. 1,00,000
2nd Prize- Rs. 30,000
3rd Prize- Rs. 20,000
Da em leh 5 tylli ki Consolation Prize kiwa mar Rs.1000 kawi.
I dor Ticket man ko Rs. 30 chi sla wa Rs. 300 chi Book.
Ka sngi pynkhle toh ha ka 07-11-25 ha i thaw wa em ka College ha Salini Colony, Jowai.
Discussion about this post