Chah beiñ uwa yajan wa u Trump uwa ong wa u Hanuman toh u Blai kyndeh

U heh ki Republican na Texas, u Alexander Duncan da chah beiñ u hajrong i klam u pyrchah ya u mot wa jrong 90 ft yong u Blai Hanuman wa tip leh kam u Statue of Union.

U Alexander uwa man uwa yajan wa u Trump da ong u wa ka United States toh ka ri Christan wei da pyrchah u yei chna ya u mot uni u Blai Hindu.

Da kylli u weileh wa chah ya u Blai kyndeh wow em ha Texas neibah wa ka ri toh ka ri Christan deiwa booh leh ya u Video uni u mot ha Shri Ashtalakshmi Temple ha Sugar Land, Texas.

Boon ngut ki bru da beiñ ki ya u Alexander heiwa da kdaw ki ya ka Constitution ka USA wa chah wow mane ya kawon kawon ka niam.

Related posts

Chem ka KSU lyngba ka RTI wa u VC ka Law University pynlut u Rs. 3 lak kam ka bai kiad | Rs. 15 lak tam hei lai i wan

November 28, 2025

$240 Million u chim ram ka Meghalaya na ka World Bank yow pynchna sarok wa kiwi de

November 28, 2025

Neiliang u Jordan Crowder da ong u wa du neidaw wa u Alexander ymtoh u Hindu ym mut wa ka niam toh kawa yongke. Da ong u leh wa ya ki Vedas da thoh 2000 snem chwa u Jisu wei kini ki kot wa embynta ki kajiak ha ka niam Christan. Kamtæ emkaam u ngam yillu wei u puræ bniah yeini.

Ya uni u mot u Blai Hanuman wa tip kam u ‘Statue of Union’ da wai paidbah ha u snem 2024, uwa jrong dooh u mot Hindu ha United States uwa da wanrah deiwa pyrkhat u Sri Chinnajeeyar Swamiji wei man u u mot wa le hei jrong hapoh United States.