Ka chnong Panaliar na ki por cha ki por da jooh pynbna ko wa da khang wei ym chah wow pynyieñ ki kari, ki thuk-thuk, ki Scooty khamtam heipor janmiet nadooh i por 6:00 waje chaneiñ ha waroh chilynter u sarok na Lekyrnah cha Syntu Ksiar.
Da khang pyrchah leh wow pynyieñ kari ha ki bynta yong ka MCH Hospital ha ki bynta wa haphrang ki dukan ka Seiñraij heiwa ha kani ka thaw toh u pynyieñ kari du chiliang donhi. Chooh chooh heipor miet ym chah u pynyieñ kari næ ya chong-ke ha waroh lynter u Pohsarok wa ka Trejri wa em chadien ka MCH Hospital.
Lada chem ya kiwon kiwon kiwa leh pyrchah, ki bor chnong ye ki u kem deilang wow daiñ kuna katkam wa da booh da ka chnong.
Kamtæ ha ini i por ka chnong Panaliar da pynkynmoo biang ko yeiwa da jooh maham nachwa na ki por cha ki por neibynta i bha i miat, i chong suk chong saaiñ hapoh ka chnong.
Ya kiwa leh pyrchah daw chah pynchitom ki katkam ki kyndon ki aiñ chnong.
Kamtæ ka chnong Panaliar da kyntu ko ya waroh wow ya krehlang khnang yow lait na iwon iwon i wym sñiawsuk.
I pyntip na u General Secretary ka chnong Panaliar.
Discussion about this post