Siat ka India ya u Missile Agni-Prime na ka luti rel

Ynnin i miet ka 24 tarik, ka Defence Research and Development Organisation (DRDO) da siat ko ya u Missile Agni-Prime deiwa pynemkaam ya la luti rel na Integrated Test Range, Balasore ka jylla Odisha.

Ini i siat toh wow pait u sylli (Test) lada uni u Missile kynjoh u yeiwa da mut wa thmu heiwa da siat ya oo deiwa pynemkaam ya ka luti rel wa kyrpang namo ka Specially Designed Rail-Based Mobile Launcher yeiwa da ye u leh dang du kattu katni donhi ki ri.

Neiliang u Defence Minister, u Rajnath Singh da pyntikna u yeini deiwa booh leh ya i Video wa i dur ha ki Social Media.

U Agni-Prime Missile toh uwa thymme wei ye u wow hær cha ki thaw wa jngai 2,000 Km.

Related posts

Thok ka khynnah skur kawa ong wa chah lute deiwa chah pynyang tari heipor wa liwan yung

September 25, 2025

Ha u Winston Tony Lyngdoh u e ka VPP ya ka chuki CEM ka KHADC

September 25, 2025

U Rajnath da e khublei u ya ka DRDO, Strategic Forces Command (SFC) wa ki chipai ka ri wa da ye u siat ya u Intermediate Range Agni-Prime Missile.

Da ong u leh wa i siat ya u Missile na Mobile Launcher pynyoo i wa ye u kit wei wow siat ya oo na kylleiñ ka ri hapoh i por wa tbian.