Kam chibynta ka Fete kawa daw pynman neibynta u pynmih poisa ya ka School Managing Committee ka Ialong Secondary School Ialong. Ynnin ka 29 tarik, ka Dorbar Chnong Ialong da pynlait paidbah ko ya ki Ticket ka Lucky Draw iwa wan leh da u Nehemayah Tyngkan chirup i sakhilang ki Executive Member yong ka Dorbar Chnong Ialong hei emlang u Waheh Chnong, Secretary Chnong kamjooh ki Executive Member yong ka Village Organization Ialong.
Ya ka Lucky Draw daw pynkhle ha ka 05-12-2025 ha Madan Moomulang, Centre Point Ialong wei i dor Ticket man i Rs. 20 chi sla wa Rs. 200 chi Book.
Neiliang u kongsan da kitbok kitrwiang u ya ka chnong Ialong yow man kani ka Fete ka wa yoh nong kamjooh kawa jop.
Ha kani ka yalang da e i klam neiliang u waheh chnong ka Ialong, u T. Ram Phawa uwa da khana wa ka yurim yong kani ka Fete toh neibynta wow pynmih poisa yow su tulop ya kiwa sikai skur kamjooh wow pyndap pynbiang ya iwa emkaam wa boon jait ha kani ka skur wa pynlai da ka Dorbar Chnong Ialong.
Neiliang ka chnong da khutlang ko ya waroh ki lok ki jor kiwa na-jan na-jngai wow wan sakhi ya kani ka yaaw Fete yong ka chnong heiwa daw yoh phi chiboon ki jait yalehke nadooh ki jait baam wa boon jait wei daw em leh ka Bumper Housie hei dor wa heh dooh katwa ka Ticket won hei dor wa jem.
Ki Prize ka Lucky Draw man ki kamni:
1st Prize- Rs. 1,50,000
2nd Prize- Rs. 50,000
3rd Prize- Rs. 30,000
Da em leh 5 tylli ki Consolation Prize kiwa mar Rs. 2000 kawi.
Discussion about this post